Du har kanskje lagt merke til nokre av dei 36 skilta som presenterer kulturen, naturen og næringsaktiviteten i bygda vår frå Hella til Grauthaug? Dette er resultat av eit samarbeid mellom Systrond sogelag og Opplev Leikanger.
Det er ei historie i bilete og tekst der me viser i geografien konkret kva som har skjedd, der bygdefolk og andre kan setja seg inn i Leikanger si utvikling. Me håpar at skilta skal gje folk inspirasjon til å gå på tur og på same tid kan læra bygdesoga, seier Knut Henning Grepstad, leiar i Systrond sogelag og prosjektleiar for skiltprosjektet i bygda.
Systrond sogelag og Opplev Leikanger har samarbeida om dette skilprosjektet sidan 2013. Det første skiltet kom på Amtskontoret i samband med Sogn og Fjordane fylkeskommune sitt 250-års jubileum, og det neste var eit skilt ved Harald Hårfagreparken på Leikanger. I 2016 kom det heile 19 nye skilt og hausten 2020 kom 14 nye på plass.
Dette er eit trivsels- og reiselivsprosjekt Leikanger kan vera stolt av, seier Grepstad.
