Årsmøtet i Systrond sogelag vart arrangert onsdag 30. mars kl 19.00 i Amtsstova. Dette er styret som skal leie sogelaget det neste året:
Leiar: Kjell Arne Valvik
Styremedlemmar: Kjerstin Risnes, Knut Henning Grepstad, Sigrun Espe og Marit Anita Skrede
Varamedlemmar: 1. Kathrine Røkke Wilson, Bodil Andersen Strand, Jan Reidar Njøs.
Her er Årsmøteprotokoll, årsmelding og rekneskap for 2015.
Hårfagreparken 2015
Sparebankstiftinga Sogn og Fjordane har løyvd ei gåve på kr. 30 000 til Systrond Sogelag. Desse pengane skal gå til å dekke utgifter tll prosjektet Hårfagreparken.
Hovudelementa i prosjektet er formidling av kulturhistoria på Systrond, vidareutvikling av gode møtestader for innbyggarar og tilreisande, samt ei satsing på reiselivet og næringsutviklinga i kommunen. Les meir
Røysanåla er ei av få fuglenåler som har vorte funne i Sogn frå folkevandringstida (ca 400-570 e.Kr). Den vart funne i ei grav på Røysa i Leikaner.
Systrond sogelag har fått produsert ein kopi av denne flotte nåla i bronse. Er du interessert i å kjøpe denne for kr 600? Ta kontakt med oss.
Laurdag 15. august feira Leikanger kommune nytt sentrumsområde med gatefest og offisiell snorklipping. Systrond sogelag sitt bidrag til arrangementet var ei guida sentrumsvandring med fokus på sentrumsutvikling gjennom tidene. Les meir
I siste utgåve av Systrendingen finn vi dette intervjuet med den nye leiaren i sogelaget, Kjell Arne Valvik. Henning Rivedal har skrive teksten.
Som namnet tilseier er han frå Flora. Han er 44 år gammal og arkeolog med arbeidsplassen sin i Asplan Viak, gift med redaktør i Systrendingen Marit Anita Skrede, og har ambisjonar når det gjeld Systrond Sogelag.
Systrond sogelag vil invitere til ei kulturhistorisk vandring i sentrum laurdag 15. august kl 16.30.
Laurdag arrangerer Leikanger kommune og Opplev Leikanger gatefest og offisiell opning av ny gate og plass i sentrum. I samband med dette vil sogelaget ved Knut Henning Grepstad og Per Holen guide og fortelje om sentrumsutviklinga i eit historisk perspektiv.
Vil du vere med? Møt opp ved gamlehotellet kl 16.30.
Framståande historikarar som professorane Knut Helle, Torgrim Titlestad og Claus Krag er samde om at Harald Hårfagre var son til austlandskongen Halvdan Svarte og Ragnhild, dotter til sognekongen Harald Gullskjegg. Som halvt sogning av fødsel og endå meir gjennom oppvekst, fortener han å få eit minnesmerke på Husabø.
Gjennom fleire avisinnlegg dei siste åra har Steinar Velle prøvd å dra fram Harald Hårfagre si tilknyting til Sogn. På nyåret i år vart Steinar Velle kontakta av hotelleigar Jan Erik Lie. Han støtta tanken fullt ut, og kunne fortelje at Erling Eggum har ei lita tomt, ca 100 m2 på oppsida av Strandavegen, ca 100 m innanfor Leikanger Fjord Hotell. Denne tomta stiller han gratis til disposisjon for eit minnesmerke.
Systrond Sogelag er endeleg på nett! Kom gjerne med innspel til stoff de vil lese om på våre heimesider.
Sogelaget i Leikanger kommune har som føremål å fremja interesse for lokalsoga og kulturvern, samla inn, ta vare på og formidla soga om kommunen og om folket gjennom tidene.
