Skribentarkiv: sogelaget

Teaterstykket «Frå landevegen» – historietime i Leikanger kyrkje

Få med deg ein annleis historietime med Det Norske Teateret og stykket «Frå Landevegen».

Gjertrud Jynge

Gjertrud Jynge og musikar Espen Leite. Foto: Dag Jenssen / Det Norske Teatret

Søndag 8.november kan vi få med oss ei heilt spesiell teaterframsyning i Leikanger kyrkje. Denne kvelden vil lokal og nasjonal historie møtest nettopp her. Jakob Walnum var sokneprest i Leikanger frå 1884-1896. Han var ein entusiastisk og svært sosialt engasjert prest, kanskje mest kjend her i bygda for å ha etablert Sogns Barneheim.

Denne kvelden fortel tippoldebarnet hans, skodespelar Gjertrud Jynge gjennom song, musikk og bilete den nasjonale, men lite kjende historia om arbeidet hans med å redde dei stakkars små barna for Gud og tvangsfornorske taterfolket. For dette arbeidet vart han høgt æra i samtida, men langt meir omdiskutert i vår tid. Synet på kva som er rett og galt skiftar, og i år har både statsministeren og Kirkens Sosialteneste offentleg bede taterane om orsakining for den brutale fornorskingspolitikken staten og kyrkja stod bak heilt fram til vår tid.

Sogelaget har gitt støtte til arrangementet som Fylkesarkivet og soknerådet står bak. Vi ser på dette som ein viktig og annleis historietime, formidla på ein spesiell måte og på ein spesiell stad.
Velkomne !

Billettar kan tingast på Fylkesarkivet, epost: kjerstin.risnes@sfj.no eller kjøpast i kyrkja. Pris kr 100.

Følg med på Facebook for oppdateringar.

Røysanåla

 

2015-10-03 10.50.54Røysanåla er ei av få fuglenåler som har vorte funne i Sogn frå folkevandringstida (ca 400-570 e.Kr). Den vart funne i ei grav på Røysa i Leikaner.

Systrond sogelag har fått produsert ein kopi av denne flotte nåla i bronse. Er du interessert i å kjøpe denne for kr 600? Ta kontakt med oss.

 

 

Avduking av minnestein og opning av Hårfagreparken

Ordførar Olav Lunden opna Hårfagreparken

Denne teksten er basert på talen ordførar i Leikanger kommune, Olav Lunden, heldt ved opninga.

Kong Harald Hårfagre, om lag år 850 – 930, voks opp her i Husabø hjå morfaren Harald Gullskjegg som var konge over Sogn. Harald arva dette riket etter morfaren. Med utgangspunkt i Sogn starta Harald Hårfagre samlinga av Noreg til eitt rike.

Etter slaget i Hafrsfjord i år 872, vart Harald Hårfagre einekonge. I meir enn 400 år rådde kongar av Hårfagre-ætta i Noreg. Den minnesteinen vi i dag skal avduke i Hårfagreparken er reist på den gamle kongsgarden Husabø.  Les meir →

Fruktbare dagar 2015

Ny leiar i sogelaget

I siste utgåve av Systrendingen finn vi dette intervjuet med den nye leiaren i sogelaget, Kjell Arne Valvik. Henning Rivedal har skrive teksten.

Som namnet tilseier er han frå Flora. Han er 44 år gammal og arkeolog med arbeidsplassen sin i Asplan Viak, gift med redaktør i Systrendingen Marit Anita Skrede, og har ambisjonar når det gjeld Systrond Sogelag.

Les meir →

Kulturhistorisk vandring i sentrum

Systrond sogelag vil invitere til ei kulturhistorisk vandring i sentrum laurdag 15. august kl 16.30.

Laurdag arrangerer Leikanger kommune og Opplev Leikanger gatefest og offisiell opning av ny gate og plass i sentrum. I samband med dette vil sogelaget ved Knut Henning Grepstad og Per Holen guide og fortelje om sentrumsutviklinga i eit historisk perspektiv.

Vil du vere med? Møt opp ved gamlehotellet kl 16.30.

Hårfagrepark i Strandavegen

Bakgrunnen for Harald Hårfagre-prosjektet

Framståande historikarar som professorane Knut Helle, Torgrim Titlestad og Claus Krag er samde om at Harald Hårfagre var son til austlandskongen Halvdan Svarte og Ragnhild, dotter til sognekongen Harald Gullskjegg. Som halvt sogning av fødsel og endå meir gjennom oppvekst, fortener han å få eit minnesmerke på Husabø.

Gjennom fleire avisinnlegg dei siste åra har Steinar Velle prøvd å dra fram Harald Hårfagre si tilknyting til Sogn. På nyåret i år vart Steinar Velle kontakta av hotelleigar Jan Erik Lie. Han støtta tanken fullt ut, og kunne fortelje at Erling Eggum har ei lita tomt, ca 100 m2 på oppsida av Strandavegen, ca 100 m innanfor Leikanger Fjord Hotell. Denne tomta stiller han gratis til disposisjon for eit minnesmerke.

Les meir →

Pyttane

Systrond sogelag jobbar saman med frivillige og Leikanger kommune om å registrere kulturminne. 14. mai vitja vi Pyttane med penn, papir og kamera. Ta gjerne kontakt om du har informasjon om dette nedlagde småbruket.